Нидерланд эмэгтэй 19 дэх хүүхдээ төрүүлжээ

Голландын Бюнсхотен хотноо Кулевейн гэгч эмэгтэй уржигдар 19 дэх хүүхдээ төрүүлсэн байна. Эх ба хүүхдийн биеийн байдал сайн байгаа талаар орон нутгийн радиогоор мэдээлэв.

Өдгөө 45 настай Кулевейн хатагтай ийнхүү долоон хүү, 12 охины ээж болжээ.  Кулевейний гэр бүл тус улсын хамгийн өнөр өтгөн айлд тооцогддог. Хатагтай хүүхдүүдээ бүгдийг нь гэртээ төрүүлсэн байна. Энэ тухай эх баригч эмэгтэй ярихдаа "Кулевейн хатагтай үнэхээр гайхалтай эмэгтэй. Олон хүүхэд төрүүлэхэд маш чийрэг биетэй байх ёстой. Эмэгтэй хүн бүр ийм олон хүүхэд төрүүлж чадахгүй" гэжээ.