НҮБ сэтгэл ихэд түгшиж байна

/РИА Новости/. Иран улсад уран баяжуулах шинэ завод барьж байгаад сэтгэл ихэд түгшиж байгаагаа НҮБ илэрхийлж байна гэж Ройтерс агентлаг мэдээллээ.

НҮБ-ын Ерөнхий нарийн бичгийн дарга Бан Ги Мүн Ираны Ерөнхийлөгч Мухмад Ахмадинежадтай уулзахдаа, «Иран улс уран баяжуулах ажлаа үргэлжлүүлж, атомын шинэ объект барьж байгаад сэтгэл ноцтой түгшиж байгаагаа илэрхийлэв» гэж Ерөнхий нарийн бичгийн даргын мэдэгдэлд өгүүлжээ.

Иран улс уран баяжуулах шинэ завод барьж байгаа тухай Олон улсын атомын энергийн агентлагт мэдээлжээ.

«Аюулгүйн Зөвлөлийн зохих тогтоолыг бүрэн биелүүлж, бас цөмийн хөтөлбөрт нь хамаарах бүх асуудлаар МАГАТЭ-тай бүрэн хамтран ажиллахыг Иранд Ерөнхий нарийн бичгийн дарга дахин уриалав» гэж НҮБ-ын мэдэгдэлд бас өгүүлсэн байна.