Энэ удаагийн уулзалтаар “Талибан”, ”Аль-Кайда” хөдөлгөөнтэй тэмцэх, эвслийн цэргийн явуулсан үйл ажиллагааны улмаас хохирсон жирийн иргэдийн тоо нэмэгдэж байгаа талаар ярилцлаа.

БНСУ-ын Үндэсний тагнуулын албаны захирал Ким Ман Бокийн мэдэгдсэнээр барьцаанд байгаа хүмүүсийг Газни мужийн өөр өөр газар байлгаж байгаа аж. Аюулгүй байдлыг хангах үүднээс байршлаа байнга сольж байгаа гэнэ.

БНСУ-ын 21 иргэнийг барьцаалсан “Талибан” хөдөлгөөн лхагва гаригийн 11.30 цаг гэхэд шаардлагыг нь биелүүлэхгүй бол барьцаанд байгаа бас нэгэн хүний амийг хорооно гэжээ.

Тэд хугацаагаа нэлээд хэдэн удаа хойшлуулсан боловч тэдний шаардлагыг биелүүлээгүй аж. Тиймээс барьцаанд байсан Сунг Чингийн амийг хороосон байна.

"Кабул болон Өмнөд Солонгосын эрх баригчидтай хийсэн хэлэлцээ бүтэлгүйтлээ. Тэд шударга биш байна" хэмээн Юсуф хэлжээ. "Тиймээс бидний шаардлага биелэгдтэл барьцааны хүмүүсийг алсаар байх болно" хэмээн нэмж хэллээ.