Эдийн засгийн хямралын улмаас америкчуудын олонх нь нийтийн тээврээр үйлчлүүлэх болсныг саяхан нийтэлсэн судалгаа харуулжээ.

Калифорни мужийн захирагч А.Шварценеггер АНУ-ын Ерөнхийлөгч болохоос татгалзахгүй гэнэ.  Түүнийг "60 минут" нэвтрүүлэгт оролцоход сэтгүүлч түүнээс Ерөнхийлөгч болохыг хүсдэг эсэхийг нь тодруулсан байна.

АНУ-ын Ерөнхийлөгч Ж.Буш,  Лора нар Цагаан ордноос нүүхээсээ өмнө хуучин хувцсаа ядуучуудад хандивласан байна. Тэд уржигдар Вашингтон хотноо байдаг нэгэн буяны байгууллага дээр очиж 150 хуучин пальто хүлээлгэн өгчээ.

Боливийн эрх баригчид тус улсын Ерөнхийлөгч Эво Моралесийн амийг хороох хуйвалдааныг таслан зогсоосон байна.  Энэ талаар түүний дотны анд Венесуэлийн Ерөнхийлөгч Уго Чавес мэдэгджээ. У.Чавес хэлэхдээ "Э.Моралес өөрөө над руу утасдаж хуйвалдааныг таслан зогсоосон тухай  ярьсан. Харин би түүнийг болгоомжтой байхыг зөвлөсөн" гэв.

АНУ-ын Төрийн нарийн бичгийн дарга Кондолиза Райс албан ажлаа өгснийхөө дараа Стэнфордын их сургуульд эргэн багшлах гэнэ.  Тэрбээр "NBC" телевизэд ярилцлага өгөхдөө "Би Калифорнид очно. Түүнээс гадна гадаад бодлогын тухай, 2001 оны есдүгээр сарын 11-ний хэрэг явдлын дараа ямар бодлого явуулсан талаараа ном бичнэ.