Build 6000 гэсэн дугаартай Vista ҮС нь Microsoft-ийн 6 дахь бүрэн хэмжээний ҮС буюу 6.0 гэсэн тэмдэглэлтэй ч давхар тохирч байгаа юм байна.

5824 версид илэрсэн алдаа нь "системийг бүрэн нурааж, шинээр суулгахаас өөр аргагүй" болгох чадвартай аж. 5840 угсаргаанд уг алдааг зассан хэдий ч үйлдлийн системийг үйлдвэрлэлд оруулах хугацааг 11-р сарын 8 болгон хойшлуулжээ.

RTM (Release To Manufacturing) угсаргаа хэмээх нэр томъёо нь Hewlett Packard, Dell зэрэг томоохон үйлдвэрлэгчдийн бүтээгдэхүүний бүрдэлд орж борлуулагддаг үйлдлийн системийн тусгай хувилбарыг хэлдэг байна.

Сар орчмын өмнө Windows Vista Beta 2 дээр хийгдсэн тестийн дүн Vista үйлдлийн системийн ерөнхий бүтээмжийг нэлээд сул гэж тооцоход хүргэсэн.Одоо ч гэсэн байдал тийм ч сайнгүй байна.

Удаан хугацаа өнгөрсний эцэст 11 сарын 1-ний өдрөөс эхлэн Internet Explorer-ийн 7 хэмээх дугаартай вэб браузерийн албан ёсны эцсийн хувилбар Windows Automatic Update-ээр дамжин хэрэглэгчдийн гар дээр хүрэх гэж байна.